சிங்கப்பூரின் 50வது ஆண்டு சுதந்திர விழாவை முன்னிட்டு, 1965முதல் 2015வரையில் பதிப்பிக்கப்பட்ட மின்வடிவமாக்கப்பட்ட சுமார் 350 சிங்கப்பூர்த் தமிழ் இலக்கிய நூல்களின் தொகுப்பு, இந்திய சமூகத்தின் அன்பளிப்பாக நம் நாட்டிற்கு வழங்கப்பட்டது. புதினங்கள், கவிதைகள் மற்றும் சிறுகதைகளை உள்ளடக்கிய, இந்த 50 ஆண்டு கால சிங்கப்பூர்த் தமிழ் இலக்கியத்தை எப்போதும் எங்கிருந்து வேண்டுமானாலும், நூலகங்களிலும், தேசிய நூலக வாரியத்தின் BookSG இணையத்தளத்திலும் பொதுமக்கள் காணலாம்.

சிங்கப்பூர்த் தமிழ் இலக்கியத்தைக் கட்டிக் காக்கும் ஆவல்கொண்ட தனிமனிதர்கள் சிலர் அடங்கிய ‘தமிழ் மின்மரபுடைமைத் திட்டக் குழு’வும் தேசிய நூலக வாரியமும் இத்திட்டம் 2013-இல் தொடங்கப்பட்டது முதல் வழிநடத்தி வந்தன. தமிழ் எழுத்தாளர்களும் சமூக நிறுவனங்களும் மேலும் தேசிய மரபுடைமைக் கழகம், தேசியக் கலை மன்றம், சிங்கப்பூர்ப் புத்தக மன்றம் ஆகிய அரசுசார்ந்த அமைப்புகளும் இந்த முன்னோடித் திட்டத்தை வரவேற்று ஆதரவு வழங்கின.