திர்தோ அர்தி சோர்ஜோவும் பாரதியும்
இந்தோனேசியப் பத்திரிக்கையாளருக்கும் இந்திய மகாகவிக்கும்
இடையே என்ன ஒற்றுமை?
-
பத்திரிக்கை அனுபவம்: இருவரும் சிறந்த சிந்தனாவாதிகள். தங்களது சிந்தனைகளையும் விமர்சனங்களையும் மக்களிடையே சேர்க்க பத்திரிக்கைத்துறையையும் செய்தித்தாட்களையும் வீரியமிக்கத் தளங்களாகப் பயன்படுத்தினர்.
-
காலனித்துவ ஆதிக்கம், தேசியவாதம்: டச் ஆட்சிக்குட்பட்ட கிழக்கிந்தியாவில் இருந்த திர்தோவும் ஆங்கிலேயர் ஆட்சியின் கீழ் இருந்த இந்தியாவின் பாரதியும் காலனித்துவ ஆதிக்கத்திற்கு எதிராக விடுதலை வேட்கையை வளர்த்ததில் முக்கியப் புள்ளிகள்.
-
பன்மொழித் திறமை: பல மொழிகளில் இருவருக்கும் இருந்த ஆளுமை பல்வேறு பண்பாட்டுப் பின்புலங்களைக் கொண்ட மக்களையும் சென்றடைய உதவியது.
-
புதிய சிந்தனை மரபு: தெற்குப்பகுதி நாடுகளில் நடந்த அறிவார்ந்த உரையாடல்கள் இருவரது பங்களிப்பாலும் செழுமையாகின. அவர்களது எழுத்துக்களை மீண்டும் வாசிப்பதால், நுசாந்திராவிலும் தமிழுலகத்திலும் நாம் பண்பாடுரீதியாகவும் வரலாறுரீதியாகவும் எங்கே இருக்கிறோம் என்று புரிந்துகொள்ள உதவுகிறது.
தலைப்பு: Eastern Voices Against Western Colonialism
பேச்சாளர்: முனைவர் அஸ்ஹார் இப்ராஹிம், மூத்த விரிவுரையாளர், சிங்கப்பூர்த் தேசியப் பல்கலைக்கழகம்.
இணைப்பு: https://youtu.be/7RUwOWmW-kg
திட்டங்கள்
சிங்கப்பூரின் 50-வது ஆண்டு சுதந்திர விழாவை முன்னிட்டு, 1965 முதல் 2015 வரையில் பதிப்பிக்கப்பட்ட மின்வடிவமாக்கப்பட்ட சுமார் 350 சிங்கப்பூர்த் தமிழ் இலக்கிய நூல்களின் தொகுப்பைத் தேசிய நூலக வாரியத்தின் BookSG இணையத் தளத்திலும் பொதுமக்கள் காணலாம்.
வானொலித் தொகுப்பு
உரைகள்
ஒலி 96.8FM நேரலை நிகழ்ச்சியில் நமது உறுப்பினர்கள் முனைவர் இளவழகன் முருகனும், ஜெயசுதா சமுத்திரனும் கலந்து கொண்டனர். சிங்கப்பூர்த் தமிழ்ப் பண்பாட்டு மையத்தின் குறிக்கோள்கள், முயற்சிகள் மற்றும் எதிர்வரும் திட்டங்களைப் பற்றிப் பகிர்ந்து கொண்டனர். இவர்களுடன் சுஷ்மா சோமா நம் அமைப்போடு இணைந்து படைத்த “நாளும் ஒரு கீதம்” எனும் அண்மைய இசைத்தொடரைப் பற்றிப் பேசினார்.
இந்தச் சின்னம் எட்டுப் பெரிய, சிறிய அம்புகளாலும் மூன்று அடிப்படை வண்ணங்களாலும் உருவாக்கப்பட்டுள்ளது. தமிழில் எண்திசை என்னும் சொல் எல்லாத் திக்குகளையும் குறிக்கும். தமிழ்ப் பண்பாடு என்பது எல்லாத் திசைகளிலிருந்தும் வந்த பெரிதும் சிறிதுமான தாக்கங்களால் உருவானதே. அதேபோன்று எல்லாத் திசைகளிலும் அதன் ஊடுருவலையும் காணலாம். எட்டு அம்புகளையும் இடைவெளிகளோடு சித்திரித்திருப்பதற்குக் காரணம், தமிழ்ப் பண்பாடு தனது எல்லைகளை முற்றிலும் மூடிக்கொண்டு உறைந்து போய்விட்ட கலாச்சாரமாக இல்லாமல் என்றென்றும் துடிப்போடு விளங்கும் பண்பாடாகப் பரிணமித்திருக்கிறது என்பதுதான். சிவப்பு, பச்சை , நீலம் ஆகிய மூன்று ஆதார நிறங்களே ஆயிரமாயிரம் வண்ணங்களுக்கு மூலம். அதேபோன்று, ஒரு பண்பாட்டின் பல்வேறு வெளிப்பாடுகளுக்கும் அதன் ஒருசில விழுமியங்களே அடிப்படை.